എന്റെ ബ്ലോഗുകള്‍ പണിമുടക്കില്‍
വേര്‍ഡ്‌പ്രെസ്സില്‍ ഞാന്‍ ഉണ്ടാക്കിയിരിക്കുന്ന ബ്ലോഗുകള്‍ തത്‌കാലം പണിമുടക്കിലാണു് എന്റെ മുന്നില്‍. അതിനാല്‍ പുതിയ പോസ്റ്റുകള്‍ ഇടാനോ, കമന്റുകള്‍ മോഡറേറ്റ് ചെയ്യാനോ ഇപ്പോള്‍ സാദ്ധ്യമല്ല. ഒരു ചെറിയ ഹാക്കര്‍ അറ്റായ്ക്ക് ആണെന്നു സംശയിക്കുന്നു. (തന്നെപ്പറ്റി കള്ളക്കഥയും പസിലും എഴുതിയതുകൊണ്ടു് എടത്താടന്‍ മുത്തപ്പന്‍ പിണങ്ങിയതാണെന്നും ഒരു പക്ഷമുണ്ടു് :) )
നിങ്ങള്‍ക്കു് ഇപ്പോള്‍ അവിടെ ഉള്ള പോസ്റ്റുകള്‍ വായിക്കാനും കമന്റിടാനും തത്‌കാലം പ്രശ്നമൊന്നുമില്ല.
“ഗുരുകുലം” അല്ലാതെ ഇവനു വേറെ ഏതു വേര്‍ഡ്‌പ്രെസ്സ് ബ്ലോഗ് എന്നു സംശയിക്കുന്നവര്‍ക്കു്:
ബുദ്ധിപരീക്ഷ എന്ന പേരില്‍ ഒരു ബ്ലോഗ് തുടങ്ങിയിരുന്നു. പസിലുകള്‍‍ക്കായി. രഹസ്യമായി വെച്ചിരുന്ന അതിനെ ഏവൂരാന്റെ പാതാളകരണ്ടി ഇന്നലെ പൊക്കിയതുകൊണ്ടു് ഇതാ ഇപ്പോള്‍ പരസ്യമാക്കുന്നു.
ഇവിടെയാണു പുതിയ പസില്‍ ബ്ലോഗ്.
ഈ ബ്ലോഗിനെപ്പറ്റിയുള്ള വിവരങ്ങളടങ്ങിയ ഈ പോസ്റ്റ് ആദ്യം വായിക്കൂ.
മുമ്പു ചോദിച്ച രണ്ടു ചോദ്യങ്ങളുടെ ഉത്തരങ്ങളുമുണ്ടു്. കൂടാതെ രണ്ടു പുതിയ ചോദ്യങ്ങളുമുണ്ടു്-നിങ്ങള്‍ക്കു ചെയ്യാനായി.
- രണ്ടു ചോദ്യം, ഒരുത്തരം: ഒരു കടംകഥ.
- എടത്താടന്‍ മുത്തപ്പന്‍ ചെക്കിലെ തെറ്റും: ഒരു ഗണിതപ്രശ്നം. ഗണിതം താത്‌പര്യമില്ലെങ്കിലും വായിക്കുക. വിശാലന്റെയും എന്റെയും കഥയുമുണ്ടു്.
ഇവയുടെ ഉത്തരം പ്രസിദ്ധീകരിക്കുവാനും കമന്റുകള്‍ മോഡറേറ്റ് ചെയ്യാനും അല്പം വൈകും. രണ്ടു ബ്ലോഗും ചിലപ്പോള്‍ കുറച്ചു സമയത്തേക്കു് അടച്ചുപൂട്ടിയെന്നും വരും. തുറന്നിരിക്കുന്ന സമയത്തു് വരൂ, വായിക്കൂ, ഉത്തരങ്ങള്‍ അയയ്ക്കൂ.
posted by ഉമേഷ്::Umesh at 9:46 AM
4 Comments:
ഉമേശേ, ഞാന്‍ പറഞ്ഞ പി.ഡി.എഫിന്റെ കാര്യം കൂടെ ശരിയാക്കൂ, പ്ലീസ്.-സു-
അപ്പൊ അതാണ്‌ പ്രശ്നം. ഇതുവരെ എഴുതിയവയ്ക്കൊക്കെ ഒരു ബാക്ക്‌ അപ്പ്‌ ഉണ്ടെന്നു കരുതുന്നു. കമന്റുകള്‍ പോയാലും സാരമില്ല. എല്ലാൊ ഒരു കുഴപ്പവുമില്ലാതെ വേഗം ശരിയാവട്ടെ!
എല്ലാം ശരിയായി കൂട്ടരേ. ഗുരുകുലവും പസിലുകളും ഇപ്പോള്‍ നടക്കുന്നുണ്ടു്.
ഉമേഷ്,
ഇത് "രാശികള്‍ - പാശ്ചാത്യവും ഭാരതീയവും" എന്ന വിഷയത്തെക്കുറിച്ചാണ്. ആ പോസ്റ്റില്‍ കമന്റ് എഴുതാന്‍ വകുപ്പില്ലാത്തതിനാലാണ് ഇവിടെ എഴുതുന്നത്.
"ഭാരതീയജ്യോതിഷത്തിന്റെയും പാശ്ചാത്യജ്യോതിഷത്തിന്റെയും തുടക്കം ഗ്രീസിലാണു്. രാശികള്‍ക്കു പേരുകള്‍ ഒന്നായതിന്റെ കാരണവും അതാണു്. അവ ഒന്നു തന്നെ" എന്നു പറഞ്ഞല്ലോ. അതിന് എന്തെങ്കിലും തെളിവിണ്ടോ? അറിയാന്‍ താല്പര്യമുണ്ട്.
Post a Comment
<< Home